Posao konobara nije nimalo lak, sem brzine zahteva dobru memoriju, reflekse, okretnost, pa i vještinu podizanja atmosfere.

Kada sve to posjeduje, bakšiš i pohvale ne izostaju, baš kao što je bio slučaj sa momkom iz jednog niškog restorana, koji je svojom znanjem i ponašanjem oduševio jednog od najpoznatijih trevel blogera sa Balkana.

Kristijan Iličić koji je obišao zemlju uzduž i poprijeko, javno je pohvalio na svojim kanalima na društvenim mrežama momka iz Niša koji je kao konobar posluživao Kristijanov sto na svečanosti koja se održavala u carskom gradu.

Momak čije se ime još uvijek ne zna, nije oduševio samo Kristijana i njegove prijatelje, već i sve one koji prate čuvenog blogera. Nasmijan, okretan i brz, mladić je oduševio sve načinom na koji je posluživao goste.

– Ovaj konobar iz Niša bi trebao dobiti povišicu! Hotel, molim vas reagujte – napisao je Iličić uz snimku konobara kako raspjevan i rasplesan poslužuje Kristijana i njegovo društvo za stolom.

Ispod njegove objave počeli su da se nižu komentari oduševljenih pratilaca koji nisu štedjeli lijepe riječi za vrijednog Nišliju. Ono što je ipak sve najviše interesovalo jeste da li je momak dobio adekvatan bakšiš.

– Samo onaj ko nema jedan miligram duše u sebi ne bi ostavio dobar bakšiš za ovakvu uslugu i ovaj dobar vajb. 20 evra i da ti cijelu svadbu bude pun astal – glasio je jedan od komentara.

Kako se pitanje bakšiša pokretalo više puta, Ilinčić je na kraju svima odgovorio video snimkom na kojem se vidi kako daje napojnicu veselom i marljivom Nišliji.

“Tako se to radi, momak je zaslužio svaki dinar”, “Ovaj momak me inspiriše sa kakvom voljom i elanom radi, ne bih žalio cijelu platu da mu dam”, glasili su neki od komentara ispod Iličićevog snimka nastalog na veselju u Nišu, piše Blic.

@kristijanilicic Ovaj konobar iz Niša bi trebao dobiti povišicu! Hotel Nais molim reagirajte! ??? #hotelnais #niš #nišsrbija #nissrbija #svadba #srbija #hotelnaisniš ♬ original sound - Kristijan Ilicic